1922-ൽ സ്ഥാപിതമായ, ചങ്ങനാശേരി അതിരൂപതയുടെ ആദ്യത്തെ ഉന്നത വിദ്യാഭ്യാസ സ്ഥാപനമാണ് സെന്റ് ബെർച്ചമാൻസ് കോളേജ്. കോട്ടയം മഹാത്മാഗാന്ധി സർവ്വകലാശാലയുമായി അഫിലിയേറ്റ് ചെയ്തിട്ടുള്ള ഈ കോളേജ് കേരള സർക്കാരിന്റെ സഹായത്തോടെയാണ് പ്രവർത്തിക്കുന്നത്. 3000-ലധികം വിദ്യാർത്ഥികൾക്കായുള്ള 18 പിജി, 19 യുജി പ്രോഗ്രാമുകളുണ്ട് കോളേജിലുണ്ട്. കോളേജിന് 1999-ൽ അക്രഡിറ്റേഷനിൽ ആദ്യമായി 'ഫൈവ് സ്റ്റാർ' അംഗീകാരം ലഭിച്ചു, 2006-ൽ റീഅക്രഡിറ്റേഷനിലുടെ '‘A +' ഗ്രേഡ് ലഭിച്ചു. 2012-ലെ മൂന്നാം അക്രഡിറ്റേഷനിൽ കോളേജ് വീണ്ടും ' A ' ഗ്രേഡ് നേടി. 2017-ൽ കോളേജ് വീണ്ടും ' A ' ഗ്രേഡ് നേടി. യൂണിവേഴ്സിറ്റി ഗ്രാന്റ്സ് കമ്മീഷനും (യു.ജി.സി.) കേരള സർക്കാരും 2014ൽ ഈ കോളേജിന് ഓട്ടോണമസവകാശം അനുവദിച്ചു. ന്യൂ ഡൽഹിയിലെ ന്യൂനപക്ഷ വിദ്യാഭ്യാസ സ്ഥാപനങ്ങൾക്കായുള്ള ദേശീയ കമ്മീഷൻ 2010-ൽ കോളേജിന് ന്യൂനപക്ഷ പദവി നൽകി. സയൻസ് ഡിപ്പാർട്ട്‌മെന്റുകൾക്ക് ഇന്ത്യാ ഗവൺമെന്റിന്റെ DST-യുടെ FIST പിന്തുണ ലഭിക്കുന്നുണ്ട്. 2018 മുതൽ ഇന്ത്യൻ ഗവൺമെന്റിന്റെ നാഷണൽ ഇൻസ്റ്റിറ്റ്യൂഷണൽ റാങ്കിംഗ് ഫ്രെയിംവർക്ക് (NIRF), MHRD പ്രകാരം മികച്ച 100 ഇന്ത്യൻ കോളേജുകളിൽ ഈ സ്ഥാപനവും റാങ്കിംഗ് ചെയ്യപ്പെട്ടിട്ടുണ്ട്.