റൂസ രണ്ടാം ഘട്ടം
റൂസയുടെ രണ്ടാം ഘട്ടം സംസ്ഥാനത്ത് താഴെപ്പറയുന്ന 5 ഘടകങ്ങളോടുകൂടി നടപ്പിലാക്കുന്നു
| ഘടകത്തിന്റെ നമ്പർ | ഘടകം | യൂണിറ്റ് (കോടി) |
|---|---|---|
| 5 | പുതിയ മാതൃകാ കോളേജുകൾ | 12 |
| 8 | തെരഞ്ഞെടുത്ത സ്വയംഭരണ കോളേജുകളിൽ ഗുണമേന്മയും മികവും വർധിപ്പിക്കൽ | 5 |
| 9 | കോളേജുകളിൽ അടിസ്ഥാന സൗകര്യങ്ങൾക്കുള്ള ധനസഹായം | 2 |
| 10 | ഗവേഷണം, നൂതനാവിഷ്കരണം, ഗുണമേന്മ മെച്ചപ്പെടുത്തൽ | 50 |
| 14 | സ്ഥാപന പുനസ്സംഘടനയും ക്ഷമത പടുത്തുയർത്തലും പരിഷ്കാരങ്ങളും | 3 |
പുതിയ മാതൃകാ കോളേജുകൾ
നീതി ആയോഗ് തിരിച്ചറിഞ്ഞിട്ടുള്ള 70 ആസ്‌പിറേഷണൽ ജില്ലകളിൽ ആവശ്യമായ അടിസ്ഥാന സൗകര്യങ്ങൾ (ക്ലാസ് മുറികൾ ഗ്രന്ഥശാല പരീക്ഷണശാല അധ്യാപകർക്കുവേണ്ടിയുള്ള മുറികൾ ടോയ്‌ലറ്റ് ബ്ലോക്കുകൾ, ആധുനിക സാങ്കേതിക സൗകര്യങ്ങൾ) ഉള്ള കോളേജുകളുടെ സൃഷ്ടിക്ക് പിന്തുണ നൽകുന്നു. നിർദിഷ്ട കോളേജിന് പുതിയ നിർമ്മാണം മുഖേന പുതിയ എംഡിസി സ്ഥാപിക്കുന്നതിനായി ഈ ഘടകത്തിൻകീഴിൽ 12 കോടി രൂപയുടെ ധനസഹായത്തിന് അർഹതയുണ്ട്.
ആസ്‌പിറേഷണൽ ജില്ലകളെ താഴെപ്പറയുന്ന പ്രകാരം തരംതിരിച്ചിരിക്കുന്നു.
- (എ) ഒന്നാം വിഭാഗം : യാതൊരു മാതൃകാ ബിരുദകോളേജും ഇല്ലാത്തത്.
- (ബി) രണ്ടാം വിഭാഗം : സാമൂഹികവും സാമ്പത്തികവുമായ പിന്നാക്കം നിൽക്കുന്നവർ വലിയ അനുപാതത്തിൽ ഉള്ളവ.
- (സി) മൂന്നാം വിഭാഗം : വടക്കുകിഴക്കൻ മേഖലയിലും ഹിമാലയൻ മേഖലയിലും ഉള്ള സേവനം തീരേ കിട്ടാത്തതും വേണ്ടത്ര കിട്ടാത്തതുമായ പ്രദേശങ്ങൾ.
ഈ ഘടകത്തിൻ കീഴിൽ കേരളത്തിൽ വയനാട്ടിൽ പുതിയ മാതൃകാ ബിരുദകോളേജ് നടപ്പിലാക്കി വരുന്നു.
തെരഞ്ഞെടുത്ത സ്വയംഭരണ കോളേജുകളിൽ ഗുണമേന്മയും മികവും വർദ്ധിപ്പിക്കൽ
‘നാക്’ സിജിപിഎ 3.51-ഉം അതിനുമുകളിലും ഉള്ള കോളേജുകൾക്ക് ഗുണമേന്മയും അധ്യാപനവും ഗവേഷണവും മെച്ചപ്പെടുത്തുന്നതിനുള്ള പിന്തുണ നൽകുന്നു.
- (എ) നിർമ്മാണത്തിനും ഉപകരണങ്ങൾക്കും വേണ്ടി 30 ശതമാനത്തിൽ കവിയാതെ ചെലവഴിക്കുന്നതാണ്
- (ബി) അധ്യാപനത്തിലും ഗവേഷണത്തിലും ഗുണമേന്മ വർദ്ധിപ്പിക്കുന്നതിനും മെച്ചപ്പെടുത്തുന്നതിനും വേണ്ടി സാമ്പത്തിക സഹായം നൽകുന്നതാണ്
- (സി) ഈ ഘടകത്തിൻകീഴിൽ അംഗീകരിക്കപ്പെട്ടിട്ടുള്ള സ്ഥാപനങ്ങൾ മറ്റു സ്ഥാപനങ്ങൾക്ക് മാർഗ്ഗദർശനം ചെയ്യേണ്ടതാണ്.
ഈ ഘടകത്തിൻകീഴിൽ ഒരു സ്ഥാപനത്തിന് അഞ്ച് കോടി രൂപ ധനസഹായം നൽകപ്പെടുന്നു സംസ്ഥാനത്ത് 5 കോളേജുകൾക്കാണ് ഇതിനുകീഴിൽ ധനസഹായം നൽകപ്പെടുന്നത്.
കോളേജുകൾക്കുള്ള അടിസ്ഥാന സൗകര്യ ധനസഹായം
അടിസ്ഥാന സൗകര്യ ധനസഹായം ഉപയോഗപ്പെടുത്തേണ്ടത് കോളേജുകളിലെ നിർണായക പ്രാധാന്യമുള്ള അടിസ്ഥാന സൗകര്യങ്ങൾ നേരിടുന്നതിന് ഓരോ കോളേജിലും രണ്ട് കോടി ധനസഹായമാണ്.
- (എ) സാധുവായ നാക് /എൻബിഎ അക്രെഡിറ്റേഷൻ 4-ൽ 2.5-ഓ അല്ലെങ്കിൽ അതിനു മുകളിലോ ഉള്ളതോ അല്ലെങ്കിൽ എൻബിഎയിൽ ഉചിതമായ ഗ്രേഡ് ഉള്ളതോ ആയ കോളേജുകൾക്ക് അപേക്ഷിക്കാനുള്ള അർഹത ഉണ്ടായിരിക്കുന്നതാണ്.
- (ബി) പുതിയ നിർമ്മാണം, നവീകരണം, ഉപകരണങ്ങൾ വാങ്ങൽ എന്നിങ്ങനെ അടിസ്ഥാന സൗകര്യങ്ങൾ ശക്തിപ്പെടുത്തുന്നതിന് പിന്തുണ നൽകുന്നതിനായി ധനസഹായം നൽകുന്നതാണ്.
- (സി) ‘‘റൂസ’’ 1.0-ന് കീഴിൽ ഇതേ ഘടകത്തിൽ പെടുത്തിയിട്ടുള്ള കോളേജുകൾക്ക് ഈ ഘടകത്തിൻ കീഴിൽ ധനസഹായത്തിന് അപേക്ഷിക്കാൻ അർഹത ഉണ്ടായിരിക്കുന്നതല്ല.
- (ഡി) പുതിയ നിർമ്മാണം, നവീകരണം, നിലവാരം ഉയർത്തൽ, ഉപകരണങ്ങൾ ഇവയിൽ ഓരോന്നിനും
വേണ്ടി മൊത്തം ചെലവിന്റെ പരമാവധി 50 ശതമാനം വരെ സംസ്ഥാനത്തിന് ചെലവാക്കാവുന്നതാണ്.
ഉദാഹരണത്തിന് ചെലവിന്റെ അനുപാതങ്ങൾ
40:50:10 അല്ലെങ്കിൽ 50:30:20 അല്ലെങ്കിൽ 45:45:10 എന്നിങ്ങനെ ആകാവുന്നതാണ്.
സംസ്ഥാനത്ത് 113 കോളേജുകൾക്ക് ഈ ഘടകത്തിൽ കീഴിൽ ആനുകൂല്യം ലഭിക്കുന്നുണ്ട്
ഗവേഷണവും നൂതനാവിഷ്‌കരണവും ഗുണമേന്മ മെച്ചപ്പെടുത്തലും
പ്രമേയപരമായ മേഖലകളിൽ മികവു കാണിച്ചിട്ടുള്ള സംസ്ഥാന സർവകലാശാലകൾക്ക്, ദേശീയ മുൻഗണനകളുടെ ചില മേഖലകളിൽ നൂതനാവിഷ്‌കരണങ്ങളും തെളിവിനെ ആധാരമാക്കിയുള്ള നയവും പരിപോഷിപ്പിക്കുന്നതിനുവേണ്ടി പ്രമേയപരവും/ പ്രയോഗസിദ്ധവും പ്രയോഗയോഗ്യവുമായ ഗവേഷണവും വികസനവും എന്നിവയ്ക്ക് ഊന്നൽ നൽകിക്കൊണ്ടുള്ള ധനസഹായം മുഖേന സംസ്ഥാന സർവകലാശാലകളിൽ ഓരോന്നിനും 50 കോടി രൂപ വരെയുള്ള ധനസഹായം നൽകുന്നതാണ്.
- യുജിസിയുടെ ഗ്രേഡ് ഒന്നിലും രണ്ടിലുംപെട്ട 2018-ലെ ഗ്രേഡ് സ്വയംഭരണ റെഗുലേഷനുകൾക്ക് കീഴിൽ യോഗ്യത നേടുന്ന ഗ്രേഡ് ഒന്നിലും രണ്ടിലും പെട്ട സംസ്ഥാന സർവകലാശാലകളെ മാത്രമേ ഈ ധനസഹായത്തിനായി പരിഗണിക്കുകയുള്ളൂ.
- ഗവേഷണം/നൂതനാവിഷ്കരണം, ഗുണമേന്മ വർദ്ധിപ്പിക്കൽ എന്നിവ നൂതനാവിഷ്‌കരണങ്ങൾക്കും സംരംഭകത്വത്തിനും പ്രയോഗക്ഷമത എന്നിവയ്ക്കും പ്രാധാന്യം/ ഊന്നൽ നൽകുന്നതാണ്.
- സർവ്വകലാശാലകളെ തെരഞ്ഞെടുക്കുന്നത് വെല്ലുവിളി/മത്സരക്ഷമതയുടെ അടിസ്ഥാനത്തിൽ ആയിരിക്കുന്നതും ഡിഎസ്‌ടി/ഡിബിടി ദേശീയ പരീക്ഷണശാലകൾ/പ്രമുഖമായ മാനവിക സാമൂഹ്യശാസ്ത്ര ഗവേഷണ കേന്ദ്രങ്ങൾ, വ്യവസായം എന്നിവയുമായി കൂട്ടുചേർന്ന് പ്രവർത്തിക്കുന്ന സർവ്വകലാശാലകളിൽ നിന്നുമാകും ആവിർഭവിക്കുക.
കേരള സംസ്ഥാനത്ത് രണ്ട് സർവകലാശാലകൾ, കൊച്ചി ശാസ്ത്ര സാങ്കേതിക സർവ്വകലാശാലയും മഹാത്മാഗാന്ധി സർവ്വകലാശാലയും ഈ ഘടകത്തിന് കീഴിൽ അംഗീകരിക്കപ്പെട്ടിട്ടുണ്ട്.
സ്ഥാപനപരമായ പുനഃസംഘടനയും ക്ഷമത പടുത്തുയർത്തലും പരിഷ്‌കരണവും
- സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും സംസ്ഥാനത്തിന്റെ വലിപ്പത്തെ ആശ്രയിച്ച് വിഭാഗങ്ങളുടെ കാര്യക്ഷമതയും ഫലദായികത്വത്തിനും വേണ്ടി ആവശ്യമായിട്ടുള്ള സ്ഥാപനപരമായ ചട്ടക്കൂട് സൃഷ്ടിക്കുന്നതിന്/ശക്തിപ്പെടുത്തുന്നതിന് അവയ്ക്ക് കഴിവുണ്ടാകത്തക്ക വിധം ധനസഹായം നൽകുന്നതാണ്.
- സംസ്ഥാന ഉന്നത വിദ്യാഭ്യാസ കൗൺസിൽ, സംസ്ഥാന വിഭവ ശേഷി കേന്ദ്രങ്ങൾ, സംസ്ഥാന പ്രോജക്ട് ഡയറക്ടറേറ്റ് എന്നിവ സ്ഥാപിക്കുന്നതിനും/ശക്തിപ്പെടുത്തുന്നതിനുംവേണ്ടി ഈ ധനസഹായം ഉപയോഗപ്പെടുത്താവുന്നതാണ്.
- ഈ ഘടകത്തിൻകീഴിൽ ധനസഹായം നൽകുന്നത് മുമ്പ് നൽകപ്പെട്ട തുകയുടെ 75 ശതമാനത്തിൽ അധികം ഉപയോഗപ്പെടുത്തുവാൻ കഴിഞ്ഞ സംസ്ഥാനങ്ങൾക്കായിരിക്കും.
- ബേസ് ലൈൻ സർവ്വേകൾ, വിവരശേഖരണം, സമാഹരണം, യോഗങ്ങൾ സംഘടിപ്പിക്കൽ, കൂടിയാലോചനകൾ നടത്തൽ, ശില്പശാലകൾ, പരിശീലനങ്ങൾ, സംസ്ഥാന പ്രോജക്ട് ഡയറക്ടറേറ്റ് സ്ഥാപിക്കൽ/ശക്തിപ്പെടുത്തൽ എന്നിവ ഏറ്റെടുക്കുന്നതിന് ഈ വിഭവശേഷികൾ സംസ്ഥാനത്തിന് ഉപയോഗപ്പെടുത്താവുന്നതാണ്.