1956 ലെ യു.ജി.സി. നിയമത്തിലെ സെക്ഷൻ 2(എഫ്), 12 ബി എന്നിവയിൽ ഉൾപ്പെടുത്തിയിട്ടുണ്ട്. റൂസയുടെ കീഴിൽ അടിസ്ഥാന സൗകര്യ വികസനത്തിന് 2 കോടി ലഭിച്ചു. 2021-ലെ NAAC അക്രഡിറ്റേഷന്റെ നാലാമത്തെ (3.23 സിജിപിഎ) സൈക്കിളിൽ കോളേജിന് A ഗ്രേഡ് ലഭിച്ചു. നിർണായകമായ മാറ്റങ്ങൾക്ക് എന്നും വേദിയായ ഉന്നത വിദ്യാഭ്യാസ മേഖലയിൽ അഭിമാനത്തോടെ നിലകൊള്ളുന്ന കാർമൽ കോളേജ്, 2022 ജൂൺ 14-ന് യു.ജി.സി ഓട്ടോണമസ് പദവിയിലേക്ക് ഉയർന്നു. നിലവിൽ 11 യു.ജി, 7 പി.ജി., 6 ബാച്ചിലർ ഓഫ് വൊക്കേഷണൽ പ്രോഗ്രാമുകൾ, 1 ഇന്റഗ്രേറ്റഡ് പ്രോഗ്രാം, 2 മാസ്റ്റർ ഓഫ് വൊക്കേഷൻ പ്രോഗ്രാമും ബോട്ടണി റിസർച്ച് സെന്ററും കോളേജിലുണ്ട്. കമ്മ്യൂണിറ്റി കോളേജിന് കീഴിലുള്ള ഡിപ്ലോമ കോഴ്‌സുകൾ, കാർമൽ കമ്പ്യൂട്ടർ അക്കാദമിക്ക് കീഴിലുള്ള സി-ഡിറ്റ് കോഴ്‌സുകൾ, വിവിധ സർട്ടിഫിക്കറ്റ് കോഴ്‌സുകൾ, കാർമൽ എക്സ്റ്റൻഷൻ സെന്റർ ഫോർ വിമൻ നടത്തുന്ന വിപുലീകരണ കോഴ്‌സുകൾ എന്നിവ എല്ലാ പ്രായത്തിലുമുള്ള വിദ്യാർത്ഥികൾക്കും ലഭിക്കുന്നതാണ്. എം.എച്ച്.ആർ.ഡി സ്പോൺസർ ചെയ്യുന്ന യു.ബി.എ, ഏക് ഭാരത് ശ്രേഷ്ഠ ഭാരത്, ഇൻസ്റ്റിറ്റ്യൂഷൻ ഇന്നൊവേഷൻ കൗൺസിൽ, K-DISC യുടെ യംഗ് ഇന്നൊവേറ്റേഴ്സ് പ്രോഗ്രാം എന്നിവയിൽ സജീവമായ ഇടപെടലുകൾ സ്ഥാപനത്തിനെ മുൻനിരയിലേയക്ക് ഉയർത്തുന്നു.