പതിറ്റാണ്ടുകളായി വിജ്ഞാന പ്രബുദ്ധതയിലൂടെയും മൂല്യ സമ്പന്നതയിലൂടെയും ഒരു ഗ്രാമീണ കാർഷിക സമൂഹത്തെ മാറ്റുന്നതിന് സംഭാവനകൾ നൽകുന്ന മധ്യകേരളത്തിലെ ഉന്നത വിദ്യാഭ്യാസ രംഗത്തെ പ്രമുഖ സ്ഥാപനങ്ങളിലൊന്നാണ് കുറവിലങ്ങാട് ദേവമാതാ കോളേജ്. 1964-ൽ സ്ഥാപിതമായ ഈ കോളേജ്, കോട്ടയം മഹാത്മാഗാന്ധി സർവ്വകലാശാലയുമായി അഫിലിയേറ്റ് ചെയ്തിട്ടുണ്ട്. കുറവിലങ്ങാട് മേജർ ആർക്കി എപ്പിസ്‌കോപ്പൽ മാർത്ത് മറിയം ആർച്ച്‌ഡീക്കൻ പിൽഗ്രിം ചർച്ചാണ് കോളേജിന്റെ പ്രവർത്തനം നിയന്ത്രിക്കുന്നത്. 2004-ലെ NCMEI ആക്‌ട് പ്രകാരം കോളേജിനെ ന്യൂനപക്ഷ വിദ്യാഭ്യാസ സ്ഥാപനമായി പ്രഖ്യാപിക്കുകയും 1956-ലെ യു.ജി.സി. ആക്‌ട് സെക്ഷൻ 2 (f), 12 B എന്നിവ പ്രകാരം ഉൾപ്പെടുത്തുകയും ചെയ്‌തു. 2017-ൽ കോളേജിന് NAAC A ഗ്രേഡ് (CGPA 3.23) ലഭിച്ചു. 12.5 ഏക്കറിൽ വ്യാപിച്ചുകിടക്കുന്ന കോളേജിൽ 12 ബിരുദ പ്രോഗ്രാമുകളും, 9 ബിരുദാനന്തര ബിരുദ പ്രോഗ്രാമുകളും 2 ഡോക്ടറൽ പ്രോഗ്രാമുകളുമുണ്ട്.