കൊച്ചി മഹാരാജാവ് ആയിരുന്ന രാജർഷി രാമവർമ്മ 1914-ൽ ജനുവരി 14-ന് സംസ്കൃത പ്രചരണത്തിനും സംസ്കൃതത്തിലുള്ള ശാസ്ത്ര വിഷയങ്ങളുടെ ഉപരിപഠനത്തിനും ആയി ആരംഭിച്ചതാണ് ഗവൺമെന്റ് സംസ്കൃത കോളേജ്. 1926-ൽ കോളേജിൽ ആദ്യമായി ശാസ്ത്ര സദസ് നടത്തപ്പെട്ടു, അതിനുശേഷം ഇത് കോളേജിന്റെ ഒരു പ്രധാന വാർഷിക സവിശേഷതയായി മാറി. 1962 ജൂണിൽ, ശാസ്ത്ര വിഭാഗം നിർത്തലാക്കി, സർവകലാശാല ഡിഗ്രി ക്ലാസുകൾ ക്രമാനുഗതമായി അവതരിപ്പിച്ചുകൊണ്ട് കോളേജ് അപ്ഗ്രേഡ് ചെയ്യാൻ സർക്കാർ ഉത്തരവിട്ടു. നിലവിൽ കോളേജിൻ ജ്യോതിഷം, ന്യായം, സാഹിത്യം, വേദാന്തം, വ്യാകരണം എന്നിവയിൽ അഞ്ച് യുജി പ്രോഗ്രാമുകളും, സംസ്‌കൃതത്തിൽ പ്രത്യേക വിഷയങ്ങളായ ന്യായം, സാഹിത്യം, വേദാന്തം, വ്യാകരണം എന്നിവയിൽ നാല് പിജി പ്രോഗ്രാമുകളുമുണ്ട്. 1993 മുതൽ എം.ജി സർവ്വകലാശാലയുടെ സംസ്കൃതത്തിൽ ഗവേഷണത്തിനുള്ള കേന്ദ്രമായി കോളേജിന് അംഗീകാരം നൽകി. കോളേജിന് 2009-ൽ ആദ്യമായി NAAC അക്രിഡറ്റേഷനിൽ B ഗ്രേഡ് അംഗീകാരം ലഭിക്കുകയും 2017-ൽ റീഅക്രിഡറ്റേഷനിൽ A ഗ്രേഡോടെ വീണ്ടും അംഗീകാരം ലഭിക്കുകയും ചെയ്തു.