സ്ഥാപനത്തിലെ റൂസ പ്രോജക്ടിനെ സംബന്ധിച്ച്

റൂസ പദ്ധതി-1 ന്റെ ഭാഗമായി കണ്ണൂർ സർവകലാശാലയ്ക്ക്‌ 20 കോടി രൂപയാണ്‌ പദ്ധതിവിഹിതമായി ലഭിച്ചത്‌. നിർമാണം നവീകരണം പർച്ചേസ് എന്നീ മൂന്ന് ശീർഷകങ്ങളിലായി 35: 35: 30 എന്ന അനുപാതത്തിൽ അനുവദിച്ച തുക വിദ്യാർത്ഥികൾക്കും അദ്ധ്യാപകർക്കും ഗവേഷകർക്കും മെച്ചപ്പെട്ട സൗകര്യങ്ങൾ നൽകുന്നതിനായാണ് സർവകലാശാല വിനിയോഗിച്ചത്. നവീകരണ പദ്ധതിയിൽ അടിസ്ഥാന സൗകര്യ വികസനത്തിലും ക്യാമ്പസുകളുടെ സൗന്ദര്യവല്ക്കരണത്തിനുമാണ് സർവകലാശാല ഊന്നൽ നൽകിയത്. അംഗപരിമിതർക്കായുള്ള ശൗചാലയങ്ങൾ, ലാബുകളുടെയും ഹോസ്റ്റൽ ബിൽഡിങ്ങിന്റെയും നവീകരണം, വിവിധ ക്യാമ്പസുകളിലായി ലിഫ്‌റ്റുകളുടെയും റാമ്പിന്റെയും നിർമ്മാണം, വിവിധ കാമ്പസുകളിൽ സോളാർ ലൈറ്റുകൾ ഘടിപ്പിക്കൽ, നീലേശ്വരം ക്യാംപസിന്റെ ചുറ്റുമതിൽ നിർമാണം എന്നിവ ഇതില് ഉൾപ്പെടുന്നു. ശാസ്ത്ര സാങ്കേതിക ലൈബ്രറി വകുപ്പുകള്ക്ക് ആവശ്യമായ പുസ്തകങ്ങളും സോഫ്റ്റ്‌വെയറുകളും വിദഗ്ധസാങ്കേതിക ഉപകരണങ്ങളും വാങ്ങുന്നതിനായി പർച്ചേസിനായ അനുവദിച്ച തുക വിനിയോഗിച്ചു. നിർമ്മാണ പദ്ധതിയിൽ പയ്യന്നൂരിലെ സ്വാമി ആനന്ദതീർത്ഥ ക്യാമ്പസിൽ അത്യാധുനിക സൗകര്യങ്ങൾ ഉള്ള സയൻറിഫിക് ഇൻസ്ട്രുമെന്റേഷൻ സെന്ററും താവക്കരയിൽ 500 പേരെ ഉൾക്കൊള്ളാൻ വിധം സൗകര്യമുള്ള ഒരു സെമിനാർ കോംപ്ലക്സും സർവ്വകലാശാല വിഭാവനം ചെയ്തിരിക്കുന്നു.