1955-ൽ സ്ഥാപിതമായ കേരളത്തിലെ ഒരു പ്രമുഖ മൾട്ടി ഡിസിപ്ലിനറി വിദ്യാഭ്യാസ സ്ഥാപനമാണ് കോതമംഗലം മാർ അത്തനേഷ്യസ് കോളേജ് (ഓട്ടോണമസ്). അക്കാദമിക്, സാമൂഹിക കഴിവുകൾ, ധാർമ്മിക മൂല്യങ്ങൾ എന്നിവയിൽ ശ്രദ്ധ കേന്ദ്രീകരിച്ച് മൂല്യാധിഷ്ഠിതവും സമഗ്രവുമായ വിദ്യാഭ്യാസം നൽകുക എന്ന പാരമ്പര്യമാണ് കോളേജിനുള്ളത്. 2016ൽ യു.ജി.സി. കോളേജിന് സ്വയംഭരണാവകാശം നൽകി. കോളേജിന് 2009-ൽ കോളേജ് ഫോർ പൊട്ടൻഷ്യൽ ഫോർ എക്‌സലൻസ് പദവി ലഭിച്ചു, കൂടാതെ 2017-ൽ NAAC അക്രഡിറ്റേഷനിൽ 'A+' ഗ്രേഡും നേടി. 2022 ൽ NIRF കോളേജ് റാങ്കിംഗിൽ കോളേജ് 56-ആം സ്ഥാനത്ത് എത്തി. കോളേജിൽ നിലവിൽ 13 ബിരുദം, 2 വൊക്കേഷണൽ ബിരുദം, 16 ബിരുദാനന്തര ബിരുദം, 1 ഇന്റഗ്രേറ്റഡ് ബിരുദാനന്തര ബിരുദ പ്രോഗ്രാം എന്നിവ കൂടാതെ 4 ഡോക്ടറൽ പ്രോഗ്രാമുകളുമുണ്ട്. പരിസ്ഥിതി സൗഹൃദ പ്രവർത്തനങ്ങൾക്ക് കേരള സർക്കാരിന്റെ പാലത്തുള്ളി അവാർഡ് (2007), ദേശീയ പരിസ്ഥിതി അവബോധ അവാർഡ് (2008), ഭൂമിമിത്ര അവാർഡ് (2009), ഹരിത അവാർഡ് (2011) എന്നിവ കോളേജിന് ലഭിച്ചു.