നാഷണൽ അസസ്‌മെന്റ് ആന്റ് അക്രഡിറ്റേഷൻ കൗൺസിൽ 2023-ലെ നാലാമത്തെ അക്രഡിറ്റേഷൻ സൈക്കിളിൽ കോളേജിന് 'A++ ഗ്രേഡ്' അംഗീകാരം ലഭിച്ചു. 2018-ൽ കേന്ദ്ര മാനവ വിഭവശേഷി വികസന മന്ത്രാലയം നടത്തിയ നാഷണൽ ഇൻസ്റ്റിറ്റ്യൂഷണൽ റാങ്കിംഗ് ഫ്രെയിംവർക്കിൽ (NIRF) അഖിലേന്ത്യാ റാങ്കിംഗിൽ കോളേജ് 87ആം സ്ഥാനത്ത് എത്തി. 2019-ൽ നാഷണൽ ഇൻസ്റ്റിറ്റ്യൂഷണൽ റാങ്കിംഗ് ഫ്രെയിംവർക്കിൽ (NIRF) അഖിലേന്ത്യാ റാങ്കിംഗിൽ കോളേജ് 93-ആം സ്ഥാനത്ത് എത്തി. ലൈഫ് സയൻസ്, ബയോടെക്നോളജി വിദ്യാഭ്യാസവും ബിരുദതലത്തിൽ പരിശീലനവും ശക്തിപ്പെടുത്തുന്നതിനുള്ള DBT-STAR കോളേജ് സ്കീം ആരംഭിച്ചു. 2019 ൽ ഗവൺമെന്റ് ഓഫ് ഇന്ത്യ ബയോടെക്നോളജി വകുപ്പ് (ഡി.ബി.ടി) ഫണ്ട് അനുവദിച്ചു. ശാസ്ത്ര സാങ്കേതിക ഇൻഫ്രാസ്ട്രക്ചർ മെച്ചപ്പെടുത്തുന്നതിനുള്ള ഫണ്ട് (FIST) 2015-ൽ ഗവൺമെന്റ് ഓഫ് ഇന്ത്യ ശാസ്ത്ര സാങ്കേതിക വകുപ്പ് (DST) അനുവദിച്ചു. 2019-ൽ ഉന്നതവിദ്യാഭ്യാസത്തിൽ ഗുണനിലവാരത്തിന്റെ ഉറപ്പ് പ്രോത്സാഹിപ്പിക്കുന്നതിന് നാക് അക്രഡിറ്റേഷൻ ആസ്പിരന്റ് സ്ഥാപനങ്ങൾക്ക് മാർഗനിർദേശം നൽകുന്നതിനായി യു.ജി.സിയുടെ പരമർഷ് സ്കീമിന് കീഴിൽ കോളേജ് തിരഞ്ഞെടുത്തു. നിലവിൽ സർട്ടിഫിക്കറ്റ് കോഴ്സുകൾ, ഇഗ്നോ കോഴ്സുകൾ, കമ്പ്യൂട്ടർ പരിശീലന പരിപാടികൾ എന്നിവയ്ക്ക് പുറമെ 11 യു.ജി. കോഴ്സുകളും 4 പി.ജി. കോഴ്സുകളും 5 പി.എച്ച്.ഡി. ഗവേഷണ കേന്ദ്രങ്ങളും നടന്നുവരുന്നു.