കേരളത്തിലെ ഏറ്റവും വലിയ കോർപ്പറേറ്റ് വിദ്യാഭ്യാസ ഏജൻസിയായ നായർ സർവീസ് സൊസൈറ്റി 1954-ൽ കോട്ടയം ജില്ലയിലെ ചങ്ങനാശേരിയിൽ സ്ഥാപിച്ചതാണ് എൻ.എസ്.എസ്. ട്രെയിനിംഗ് കോളേജ്. കോട്ടയത്തെ മഹാത്മാഗാന്ധി സർവ്വകലാശാലയിൽ അഫിലിയേറ്റ് ചെയ്തിട്ടുള്ള ഒരു എയ്ഡഡ് കോളേജാണിത്. NCTE യുടെ അംഗീകരം സ്ഥാപനത്തിന് ലഭിച്ചു. അതോടൊപ്പം 2016-ൽ നാഷണൽ അസസ്‌മെന്റ് ആൻഡ് അക്രഡിറ്റേഷൻ കൗൺസിൽ (NAAC) B-ഗ്രേഡും ലഭിച്ചു. ചങ്ങനാശേരി നഗരത്തിന്റെ ഹൃദയഭാഗത്ത് നിന്ന് ഏകദേശം 1 കിലോമീറ്റർ തെക്ക് മാറി പെരുന്നയിലാണ് ഈ സ്ഥാപനം സ്ഥിതി ചെയ്യുന്നത്. എൻ.എസ്.എസ്. ഹൈസ്കൂൾ ബോയ്സ്, എൻ.എസ്.എസ്. വൊക്കേഷണൽ ഹയർസെക്കൻഡറി സ്കൂൾ, എൻ.എസ്.എസ്. ഹയർസെക്കൻഡറി സ്കൂൾ, എൻ.എസ്.എസ്. ഹൈസ്കൂൾ ഗേൾസ്, എൻ.എസ്.എസ്. ഇംഗ്ലീഷ് മീഡിയം ഹൈസ്കൂൾ, എൻ.എസ്.എസ്. എൽ.പി സ്കൂൾ തുടങ്ങി നിരവധി വിദ്യാഭ്യാസ സ്ഥാപനങ്ങൾക്ക് നടുവിലാണ് കോളേജ് സ്ഥിതി ചെയ്യുന്നത്.

എൻ.എസ്.എസിന്റെ മാനേജുമെന്റ് ഹെഡ് ക്വാർട്ടേഴ്സ്, മന്നം സമാധി മണ്ഡപം, എൻ.എസ്.എസ്. ഹിന്ദു കോളേജ് എന്നിവയും കോളേജിന് വളരെ അടുത്താണ് സ്ഥിതി ചെയ്യുന്നത്. കോളേജിൽ ഇംഗ്ലീഷ്, മലയാളം, ഹിന്ദി, മാത്തമാറ്റിക്സ്, ഫിസിക്കൽ സയൻസ്, നാച്ചുറൽ സയൻസ്, സോഷ്യൽ സയൻസ് എന്നിവയിലുള്ള ബിരുദം കോഴ്സുകളുണ്ട്.