അതിരപ്പിള്ളി, വാഴച്ചാൽ വെള്ളച്ചാട്ടങ്ങളിലേക്കുള്ള വഴിയിൽ ചാലക്കുടിപ്പുഴയുടെ തീരത്താണ് പനമ്പിള്ളി മെമ്മോറിയൽ സർക്കാർ കോളേജ് സ്ഥിതി ചെയ്യുന്നത്. 1975-ലാണ് ചാലക്കുടിയിലെ പനമ്പിള്ള മെമ്മോറിയൽ സർക്കാർ കോളേജ് ആരംഭിച്ചത്. ചാലക്കുടി ടൗണിൽ നിന്ന് 6 കിലോമീറ്റർ അകലെ പോട്ടയിലാണ് കോളേജ് സ്ഥിതി ചെയ്യുന്നത്. മുൻ തിരുവിതാംകൂർ, കൊച്ചി സംസ്ഥാനങ്ങളുടെ മുൻ മുഖ്യമന്ത്രിയും, 1967 ലെ നിയമ-സാമൂഹ്യക്ഷേമ കാബിനറ്റ് മന്ത്രിയുമായിരുന്ന പരേതനായ പനമ്പിള്ളി ഗോവിന്ദ മേനോന്റെ പേരിലാണ് കോളേജ് അറിയപ്പെടുന്നത്. 25 ഏക്കർ ഭൂമിയിലാണ് കോളേജ് നിലകൊള്ളുന്നത് – പ്രധാനമായും ക്യാമ്പസിന് 15 ഏക്കർ, താമസ സൗകര്യങ്ങൾക്കായി അഞ്ച് ഏക്കർ, സ്പോർട്സിനും ഗെയിമുകൾക്കുമായി അഞ്ച് ഏക്കർ. കാലിക്കറ്റ് സർവ്വകലാശാലയോട് അഫിലിയേറ്റ് ചെയ്തിട്ടുള്ള കോളേജിൽ 5 യു.ജി, 5 പി.ജി. പ്രോഗ്രാമുകളും 5 ഗവേഷണ വകുപ്പുകളും ഉണ്ട്. കോളേജിലെ സൗകര്യങ്ങളിൽ ഓഡിറ്റോറിയം, കമ്പ്യൂട്ടർ ലാബ്, എഡ്യൂസാറ്റ്/ഒറൈസ്, ഇൻഫ്ലിബ്നെറ്റ്, ഇന്റർനെറ്റ്, ലാംഗ്വേജ് ലാബ്, ലൈബ്രറി, സ്മാർട്ട് ക്ലാസ് മുറികൾ, സെമിനാർ ഹാൾ, യു.ജി.സി. എൻ.ആർ.സി, ഹെൽത്ത് സെന്റർ, റിക്രിയേഷൻ, സ്പോർട്സ് & ഗെയിംസ്, കാന്റീൻ, കോ-ഓപ്പറേറ്റീവ് സൊസൈറ്റി, സ്റ്റാഫ് ക്വാർട്ടേഴ്സ്, വിമൻസ് ഹോസ്റ്റൽ തുടങ്ങിയവ ഉൾപ്പെടുന്നു.