സ്ഥാപനത്തിലെ റൂസ പ്രോജക്ടിനെ സംബന്ധിച്ച്

എസ്.എൻ.എം. കോളേജ് മാലിയങ്കര, റൂസ സംസ്ഥാന പ്രോജക്ട് ഡയറക്ടറേറ്റിൽ പ്രൊജക്ട് പ്രപ്പോസൽ സമർപ്പിച്ചു. റൂസ Il പ്രൊജക്ടിന്റെ മാർഗ്ഗനിർദ്ദേശങ്ങൾ കർശനമായി പാലിച്ചു കൊണ്ടും കോളേജിന്റെ ദീർഘകാലാടിസ്ഥാനത്തിലുള്ളവികസന സാധ്യതകൾ പരിഗണിച്ചു കൊണ്ടും രൂപപ്പെടുത്തിയ പ്രൊജക്ടാണ് സമർപ്പിച്ചത്. IQAC തയ്യാറാക്കിയ കർമപദ്ധതിയും പി.ടി.എ. അസോസിയേഷന്റെ ശുപാർശകളും മുൻനിർത്തി കോളേജിന്റെ ആവശ്യങ്ങൾക്ക് മുൻഗണന നൽകിയുമാണ് പ്രോജക്ട് തയ്യാറാക്കിയത്. കോളേജിലെ അക്കാദമിക് നിലവാരം, ഗവേഷണ ഫലങ്ങൾ, അടിസ്ഥാന സൗകര്യങ്ങളുടെ മൊത്തത്തിലുള്ള ഗുണനിലവാരം എന്നിവ മെച്ചപ്പെടുത്തുന്നതിന് വളരെയധികം ഊന്നൽ നൽകിയാണ് പ്രപ്പോസൽ തയ്യാറാക്കിയത്. മൂന്ന് ഘട്ടങ്ങളിലായാണ് പ്രപ്പോസൽ ക്രമീകരിച്ചിരിക്കുന്നത്. പ്രധാന ബ്ലോക്കിന്റെ പടിഞ്ഞാറ് ഭാഗത്ത് പുതിയ അക്കാദമിക് ബ്ലോക്കിന്റെ നിർമാണമാണ് ആദ്യഘട്ടം. നിലവിലെ പ്രപ്പോസൽ, താഴത്തെ നിലയുടെ നിർമാണത്തിന് മാത്രമാണ് എസ്റ്റിമേറ്റ് തയ്യാറാക്കിയിരിക്കുന്നത്. രണ്ടാം ഘട്ടം നവീകരണമാണ്. കോളേജിലെ വിദ്യാർത്ഥികൾക്കും സ്റ്റാഫ് അംഗങ്ങൾക്കും നിലവിലുള്ള സൗകര്യങ്ങൾ നവീകരിക്കാനും, അധികമായി അടിസ്ഥാന ആവശ്യങ്ങൾ നൽകുന്നതിനുമാണ്. മൂന്നാം ഘട്ടമായ പർച്ചേസ്, ലബോറട്ടറിയും അക്കാദമിക് സൗകര്യങ്ങളും നവീകരിക്കുന്നതിനും അടിസ്ഥാന സൗകര്യങ്ങൾ മെച്ചപ്പെടുത്തുന്നു. ലബോറട്ടറി ഉപകരണങ്ങൾ, അധ്യാപന സഹായകവസ്തുക്കൾ, അടിസ്ഥാന സൗകര്യങ്ങൾ മെച്ചപ്പെടുത്തൽ എന്നിവയ്ക്കായി ആകെ 50 ലക്ഷം അനുവദിച്ചു.