റൂസ പദ്ധതിയെക്കുറിച്ച്

റൂസ 2.0 പദ്ധതി പ്രകാരം കോളേജിന് ഇൻഫ്രാസ്ട്രക്ചർ ഗ്രാന്റ് ആയി 2 കോടി രൂപ നൽകി. 97.3 ലക്ഷം രൂപ വകയിരുത്തി നിർമ്മിക്കുന്ന പുതിയ ക്ലാസ് റൂം കം പരീക്ഷാ ഹാൾ, കോച്ചിംഗ് സെന്റർ എന്നിവയുടെ നിർമാണ പ്രവർത്തനങ്ങൾ അന്തിമഘട്ടത്തിലാണ്. കോളേജിന്റെ സുഗമമായ പ്രവർത്തനത്തിന് ഈ കേന്ദ്രം വളരെ അത്യന്താപേക്ഷിതമായിരിക്കും. കൂടാതെ ആയത് പൂർത്തിയാകുമ്പോൾ പരീക്ഷകൾക്കും വിവിധ കോമൺ കോച്ചിംഗ് പ്രോഗ്രാമുകൾക്കായി വിദ്യാർത്ഥികളെ എത്തിക്കുന്നതിന് സാധിക്കുന്നതാണ്. റുസ പദ്ധതിയിലൂടെ കോളേജ് നിരവധി അടിസ്ഥാന സൗകര്യങ്ങൾ നവീകരിച്ചിട്ടുണ്ട്. ഫിസിക്‌സ് ലാബ് വിംഗിന്റെയും, സുവോളജി ലാബിന്റെയും, മ്യൂസിയത്തിന്റെയും മേൽക്കൂര നവീകരണവുമായി ബന്ധപ്പെട്ട രണ്ട് ജോലികൾ പൂർത്തിയായിട്ടുണ്ട്. ലേഡീസ് ടോയ്‌ലറ്റ് ബ്ലോക്കിലെയും മേൽക്കൂര പ്ലാസ്റ്ററിങ്ങും, ഗ്രൗണ്ട് ഫ്ലോറിങ്ങിന്റെയും നവീകരണ പ്രവൃത്തികൾ അന്തിമഘട്ടത്തിലാണ്. നവീകരണത്തിനായി 82.70 രൂപ വകയിരിത്തിയുണ്ട്. പ്രൊപോസലിന്റെ പ്രധാന ലക്ഷ്യം സയൻസ് ഡിപ്പാർട്ട്‌മെന്റുകളിൽ ഗവേഷണ കേന്ദ്രീകൃത ലബോറട്ടറികൾ സ്ഥാപിക്കുന്നതിനുള്ള അത്യാധുനിക ഉപകരണങ്ങൾ, ഫിസിക്കൽ എജ്യുക്കേഷൻ വിഭാഗത്തിനുള്ള കായിക ഉപകരണങ്ങൾ വാങ്ങുന്നതിനും, കോളേജ് ലൈബ്രറി ഡിജിറ്റലൈസ് ചെയ്യുന്നതിനുമാണ്. നിലവിലെ പ്രോജക്ട് യാഥാർത്ഥ്യമാക്കുന്നത് കോളേജിന്റെ നിർണായകമായ അടിസ്ഥാന സൗകര്യ ആവശ്യങ്ങൾ നിറവേറ്റുക മാത്രമല്ല, മുഴുവൻ സ്ഥാപനത്തിനും മികച്ച അക്കാദമിക് അന്തരീക്ഷം നൽകുന്നതിനും സാധിക്കുന്നതാണ്.