സ്ഥാപനത്തിലെ റൂസ പ്രോജക്ടിനെ സംബന്ധിച്ച്

ദേശീയ, സംസ്ഥാന സർക്കാരുകളുടെ RUSA 2.0 പദ്ധതിയിൽ പ്രകാരം രണ്ടുകോടി രൂപയുടെ ധനസഹായം സെന്റ് ജോസഫ്സ് കോളേജിന് ലഭിച്ചു. ഇതിൽ, ഒരു കോടി രൂപ പുതിയ അക്കാദമിക കെട്ടിടത്തിന്റെ നിർമ്മാണത്തിനും, പുനരുദ്ധാരണ പ്രവർത്തനങ്ങൾക്കായി 43 ലക്ഷം രൂപയും, പർച്ചേസ് ആവശ്യങ്ങൾക്കായി 57 ലക്ഷം രൂപമാണ്. പുതിയ അക്കാദമിക കെട്ടിടത്തിന്റെ ഉദ്ഘാടനം 28-2-2022 ന് ബഹുമാനപ്പെട്ട ഉന്നത വിദ്യാഭ്യാസ, സാമൂഹിക നീതി വകുപ്പ് മന്ത്രിയും ഈ കലാലയത്തിലെ പൂർവ്വ വിദ്യാർഥിനിയുമായ ഡോക്ടർ ആർ. ബിന്ദു നിർവഹിച്ചു. പുനരുദ്ധാരണ പ്രവർത്തനങ്ങൾക്കായി ലഭിച്ച തുക ഉപയോഗിച്ചുകൊണ്ട് മഴവെള്ള സംഭരണി നിർമ്മാണം, നിയര്‍ ലൈന്‍ ടെലി പ്രസൻസ് റൂം നിർമ്മാണം, സോളാർ പാനൽ സ്ഥാപിക്കൽ, ശുചിമുറികളുടെ നവീകരണം എന്നീ പ്രവർത്തനങ്ങൾ പൂർത്തികരിച്ചു. പർച്ചേസ് ലക്ഷ്യങ്ങൾക്കായി മാറ്റിവെച്ചിരിക്കുന്ന തുക ഉപയോഗിച്ചുകൊണ്ട് ഗവേഷണ ഉപകരണങ്ങൾ, കമ്പ്യൂട്ടറുകൾ മറ്റ് അനുബന്ധ ഉപകരണങ്ങൾ എന്നിവ വാങ്ങുന്നതിനുള്ള നടപടികളുമായി മുന്നോട്ടു പോകുന്നു.